Фармакология ва токсикология бўлими
ЎзР ФА Ўсимлик моддалари кимёси институтида 1956 йилда ташкил қилинган фармакология ва токсикология лабораторияси асосида 1992 йилда фармакология ва токсикология бўлими яратилган.
Бўлимда 3 та профессор, 4 та тиббиёт ва 3 та биология фанлари бўйича фан номзодлари ҳамда 8 та илмий ходим, жами 18 та ходим фаолият юритмоқда.
2006 йилдан 2016 йилгача бўлган даврда олинган муҳим натижалар сифатида қуйидагиларни келтириш мумкин:
Аритмияга қарши юқори кардиотоник, атеросклерозга қарши, тетиклаштирувчи, актопротектор ва адаптоген фаолликка эга янги моддалар излаб топилган. Гепатопротектор, диабетга қарши, анальгетик, нейропротектор, паразитларга қарши, пребиотик, яллиғланишга қарши таъсирга эга ўсимлик бирикмалари аниқланган. Организмдаги регенератор жараёнларни стимулловчи, антитиреоид хусусиятни намоён қилувчи, эстроген фаолликка эга воситалар ишлаб чиқилган. Дунё бозорига 120 га яқин биореактивлар фундаментал ва амалий изланишлар учун ҳамда косметологияда қўллаш учун ўсимликларнинг бир неча турларидан олинган экстрактлар тавсия қилинган. Олинган натижалар интелектуал мулк агентлиги томонидан ҳимояланган ва етакчи рецензияланган журналларда чоп этилган.
Илмий-тадқиқот ишларининг асосий йўналишлари – потенциал дори воситаларини ишлаб чиқариш мақсадида Ўрта Осиё флораси ўсимликларидан ажратиб олиган моддалар ва уларнинг ҳосилаларини фармакологик, токсикологик ва кимё терапевтик ўрганиш бўйича изланишлар олиб бориш.
Стероид, алкалоид ва уларнинг ишланмалари, полифеноллар ва бошқа ўсимлик моддалари гуруҳларини ўрганиш давомида уларнинг кимёвий тузилиши ва фармакологик фаоллиги орасида боғлиқлик борлиги аниқланган. Изланишлар ВИЛАР (Россия), «Latoxan SAS» ва «In vivo»(Франция) фирмалари, Физика ва кимё Синьдзян технология институти (КНР), И.Г. Кутателадзе номидаги Фармакокимё Институти (Грузия), нефтекимё ва катализ институти (Россия), РФА Урал бўлимининг КОМИ илмий марказининг Биологии институти (Россия), АО «Фитокимё» Халкаро илмий холдинги (Қозоғистон) институтлар билан ҳамкорликда олиб борилмоқда.
Контакты
Телефон: +99871 2627588
Факс: +99871 2627348
E-mail: zainab@icps.org.uz
Адрес: Узбекистан, 100170, г. Ташкент, ул. Мирзо Улугбека,77